Mae Adolygiadau Llenyddiaeth yn rhan bwysig o waith academaidd sy’n darparu trosolwg a dadansoddiad o gwestiwn neu bwnc ymchwil. Efallai y gofynnir i chi ysgrifennu un ar gyfer eich traethawd hir, prosiect neu aseiniad ar ffurf traethawd.
Dylai Adolygiad Llenyddiaeth da roi eich ymchwil yn ei gyd-destun, gan ddangos sut mae’n berthnasol i ymchwil ehangach yn eich maes pwnc. Dylai'r Adolygiad Llenyddiaeth ddangos dealltwriaeth a gwybodaeth glir ar bwnc o’ch dewis, cynnwys ymchwil gyfredol berthnasol ac awduron allweddol, a nodi unrhyw feysydd yn y llenyddiaeth sy'n cefnogi'r angen am ymchwil pellach.
Ar gyfer Adolygiadau Llenyddiaeth a Thraethodau ac Aseiniadau fel arfer gofynnir i chi ganolbwyntio ar ffynonellau academaidd ac a adolygir gan gymheiriaid, megis gwerslyfrau, erthyglau cyfnodolion, adroddiadau ymchwil a thrafodion cynadleddau. Gallwch ddod o hyd i'r rhain o gasgliadau Electronig a Phrint y Llyfrgell.
Mae defnyddio Technegau Chwilio yn eich galluogi i ehangu eich chwiliad neu ganolbwyntio eich canlyniadau.
Mae gosod eich geiriau allweddol, dau air neu fwy mewn “dyfynodau dwbl”, yn creu chwiliad am ymadrodd. Gellir defnyddio hwn i ganolbwyntio eich chwiliad ar ganlyniadau mwy perthnasol, yn enwedig os oes nifer fawr o ganlyniadau chwilio.
“Asesiad Ffurfiannol” “Rheolaeth Strategol”
Awgrym! Defnyddir hwn yn y rhan fwyaf o gronfeydd data, ond mae Scopus yn defnyddio {cromfachau cyrliog} ar gyfer yr union ymadrodd - {Hyrwyddo Iechyd}
Mae’r techneg cwtogi yn ddefnyddiol os ydych chi am gynnwys amrywiadau o allweddair, mae'n caniatáu ichi chwilio am wahanol derfyniadau geiriau ar yr un pryd. Chwiliwch gan ddefnyddio bôn gair a seren * er enghraifft, therapi* i ddod o hyd i therapi, therapïau, therapydd, therapiwteg.
Mae chwilio penagored yn ddefnyddiol i chwilio am eiriau a sillafiadau gwahanol – sydd fel arfer yn defnyddio marc cwestiwn ? yn lle llythyren o air. Er enghraifft, bydd “sefy?liad” yn rhoi “sefydliad” i chi yn y canlyniadau chwilio.
Awgrym! Mae cronfeydd data gwahanol yn defnyddio symbolau gwahanol, felly gwiriwch hyn cyn chwilio.
I greu chwiliad effeithiol, mae angen i chi gyfuno'ch geiriau allweddol gyda'i gilydd yn llinyn, gan eu cysylltu â'i gilydd i greu eich chwiliad. Gallwch gysylltu'r allweddeiriau gan ddefnyddio Gweithredwyr Boole AC, NEU, NID i adeiladu llinyn i ehangu neu gyfyngu eich canlyniadau. Cânt eu defnyddio mewn Priflythrennau gan eu bod yn dweud wrth y gronfa ddata sut yr hoffech chi chwilio am yr allweddeiriau.
AC - Defnyddiwch AC i ganolbwyntio eich chwiliad, mae chwiliad AC yn cynnwys y ddau allweddair yn y canlyniadau, er enghraifft, myfyrwyr AC “Addysg Uwch”.
NEU - Defnyddiwch NEU i ehangu eich chwiliad, mae chwiliad NEU yn cynnwys y ddau allweddeiriau yn y canlyniadau, er enghraifft, prifysgol NEU addysg.
NID - Defnyddiwch NID i eithrio geiriau allweddol o'ch canlyniadau, er enghraifft, “De Cymru” NID Awstralia.
Gall hyn helpu i gael gwared ar ganlyniadau nad ydynt yn berthnasol, ond rhaid ei ddefnyddio ar ddiwedd y llinyn chwilio. Gall defnyddio NID hidlo rhai canlyniadau defnyddiol felly gyfer rhai chwiliadau gallwch ychwanegu Allweddeiriau ychwanegol i ganolbwyntio'r canlyniadau.
