Cefnogi Ymchwil

Mae Figshare yn llwyfan i unrhyw aelod o staff, ymchwilydd neu Ymchwilydd Doethurol ym Met Caerdydd rannu unrhyw waith sy'n gysylltiedig ag ymchwil ac unrhyw fath o allbwn ymchwil.

Gallwch rannu ac archifo erthyglau ymchwil, setiau data, cyflwyniadau, posteri ymchwil a fideos ymhlith llawer o fathau eraill o ddeunydd digidol. Gall Figshare arddangos llawer o wahanol fathau o ffeiliau i fod yn uniongyrchol hygyrch yn y porwr ac mae'r platfform yn bodloni safonau hygyrchedd digidol yn llawn.

Mae Figshare yn helpu unrhyw un sy'n gwneud ymchwil i gyflawni llawer o wahanol agweddau ar ofynion a allai fod yn berthnasol i gyllidwyr ymchwil a chanllawiau a pholisi ymchwil Met Caerdydd ei hun.

Mae hyn yn cynnwys gallu cyflawni agweddau ar ymchwil agored a rheoli data ymchwil trwy wneud defnydd llawn o wrthrychau/allbynnau a grëwyd yn ystod cylch bywyd yr ymchwil a ffordd o fathu’n hawdd dynodwyr parhaus (PIDs) ar gyfer gwaith ymchwil.

Mae Figshare yn cynnig swyddogaethau preifat cyhoeddus a diogel i alluogi dewis o ran sut y gellir sicrhau bod gwaith ar gael yn ehangach. Rydym yn cynnig cyngor a hyfforddiant ar sut i wneud y gorau o nodweddion figshare - cysylltwch â figshare@cardiffmet.ac.uk.

Mae Figshare ar gael ar unrhyw borwr a dyfais yn figshare.cardiffmet.ac.uk.

Edrychwch ar ein fideo rhagarweiniol i gael mwy o fanylion am sut i gael mynediad at a chreu cyfrif figshare.

Gall unrhyw un weld y cynnwys sydd ar gael i’r cyhoedd yn figshare – rydym yn darparu casgliadau o waith sy’n ymwneud â meysydd fel Traethodau Ymchwil Doethurol, cynadleddau a digwyddiadau ymchwil a fersiynau mynediad agored o gyhoeddiadau gan awduron Met Caerdydd. Mae'r holl gynnwys cyhoeddus ar figshare hefyd ar gael trwy MetSearch.

Isod mae enghraifft o'r cynnwys sydd ar gael ar hyn o bryd ar figshare!