Trwy ddefnyddio estyniad yn eich porwr arferol, gallwch ddod o hyd i gasgliadau digidol y llyfrgell heb fod angen mynd i ChwilioMet yn gyntaf. Trowch ein ategion ymlaen heddiw, chwiliwch am E-lyfrau ac erthyglau a mwynhewch fynediad di-dor i gynnwys academaidd rhagorol.
Mae'r rhain yn rhoi mynediad uniongyrchol i chi at gynnwys academaidd o safon yn y porwr heb orfod gwirio â llaw am fynediad yn rhywle arall (fel ChwilioMet neu Google Scholar). Maent yn cysylltu'n uniongyrchol â'n casgliadau ac yn rhoi mynediad i chi i'r 1000au o lyfrau digidol ac erthyglau cyfnodolion a gynigiwn.
Rydym yn darparu estyniad y gall holl staff a myfyrwyr Met Caerdydd ei lawrlwytho a gwneud defnydd llawn ohono - LibKey Nomad.
Gellir troi LibKey Nomad ymlaen ac i ffwrdd trwy'r opsiwn estyniadau o fewn gosodiadau eich porwr - fodd bynnag mae'n berffaith bosibl eu gadael wedi'u troi ymlaen a byddant yn 'popio i fyny' pan fo angen.
Mae LibKey Nomad yn cynnig mynediad un clic i gasgliadau digidol y llyfrgell. Mae'r estyniad ar gael ar gyfer y rhan fwyaf o borwyr – lawrlwythwch ef nawr.
Defnyddiwch LibKey Nomad i gyrchu erthyglau ac e-lyfrau o gasgliadau'r llyfrgell heb chwilio amdanynt eto yn rhywle arall. Bydd LibKey Nomad yn eich hysbysu pan fydd mynediad ar gael trwy rybudd hysbysu defnyddiol. Bydd hefyd yn ychwanegu at eich profiad o ddefnyddio cronfeydd data penodol ac o fewn Wikipedia (trwy roi mynediad uniongyrchol i chi at ddeunydd academaidd y cyfeirir ato).
Mae'r fideo isod yn darparu llwybr cerdded byr. Mae'n dangos enghraifft o gyrchu erthygl mewn cyfnodolyn yn uniongyrchol o chwiliad a chael mynediad i eLyfrau llyfrgell trwy Amazon. Mae hefyd yn dangos yr ychwanegiad y mae LibKey Nomad yn ei gynnig mewn cronfa ddata enghreifftiol a Wikipedia.