Neidio i'r Prif Gynnwys

Gwasanaethau Llyfrgell

Casgliadau Arbennig

Llyfrgell Sleidiau Ysgol Gelf a Dylunio Caerdydd

Ar ei anterth roedd y Llyfrgell Sleidiau yn cynnwys dros 95,000 o sleidiau ac am flynyddoedd lawer hi oedd y brif ffynhonell delweddau ar gyfer cyflwyniadau ac addysgu i staff a myfyrwyr. Lleolwyd y llyfrgell sleidiau yn Ysgol Gelf a Dylunio Caerdydd ar gampws Gerddi Howard ac yn ddiweddarach cafodd ei symud i Lyfrgell Llandaf.

Defnyddiwyd y llyfrgell sleidiau hefyd i gartrefu sleidiau o arwyddocâd i'r ysgol gelf megis sleidiau o waith darlithwyr, arddangosfeydd myfyrwyr ac ati.

Yn 2018 cynhaliwyd adolygiad o'r casgliad gyda ffocws ar gadw sleidiau oedd â chysylltiad â Chymru, Caerdydd, neu Ysgol Gelf a Dylunio Caerdydd.

Maint y casgliad: 5 o gypyrddau fo sleidiau + deunydd cysylltiedig 3.5m

Mynediad: Nid yw’r gwaith o gatalogio wedi dechrau eto. I gael mynediad, cysylltwch â: SpecialCollections@cardiffmet.ac.uk

Mae detholiad o gynnwys a phynciau o'r casgliad Llyfrgell sleidiau wedi’u rhestru isod:

  • Mudiadau Celfyddydol gan gynnwys Celf Perfformio.
  • Celf Prydain Fawr gan gynnwys Celf yng Nghymru, Artistiaid Cymreig Penodol a Diwylliant Gweledol Cymru; Delweddu'r Genedl.
  • Artistiaid ar ôl 1850 Cedwir detholiad o sleidiau oherwydd cysylltiad yr artistiaid â CSAD/ Caerdydd/ Cymru, gan gynnwys; Iwan Bala, John Gingell, Mona Hatoum, Anthony Howell, Cecile Johnson Soliz, Cornelia Parker, Harry Holland, Terry Setch, Mariele Neudecker, Dave Shepherd, Andre Stitt.
  • Pensaernïaeth yn ymwneud yn bennaf â lleoedd ac adeiladau Caerdydd, gan gynnwys; Bae Caerdydd, Morglawdd Caerdydd, Castell Caerdydd, Amgueddfa Genedlaethol Cymru.
  • Y Llyfr
  • Celf Gymunedol Gan gynnwys Ymddiriedolaeth Celfyddydau Bae Caerdydd, Pioneers Group, Gŵyl Caerdydd 1999.
  • Cerameg – Casgliad mawr o ddelweddau o gerameg Delweddau o waith cerameg hanesyddol, cerameg o wahanol wledydd, technegau cerameg, a gwaith gan wneuthurwyr mwy cyfoes. Yn gynwysedig mae staff CSAD; Alan Barrett-Danes, Mick Casson, Claire Curneen, Michael Flynn, Morgan Hall, Natasha Mayo, Geoff Swindell.
  • Catalogau Arddangosfeydd Yn cynnwys artistiaid Butetown, Celf y Bae.

Sleidiau Ysgol Gelf a Dylunio Caerdydd

Casgliad o sleidiau sy'n dogfennu gwaith, digwyddiadau ac arddangosfeydd myfyrwyr ac aelodau staff a gynhaliwyd yn Ysgol Gelf a Dylunio Caerdydd o'r 1960au tan ddechrau'r 2000au. Mae rhai ohonynt wedi'u rhestru isod:

  • Arddangosfeydd myfyrwyrgan gynnwys Arddangosfeydd Diploma rhwng 1967 a 1980, sleidiau o waith myfyrwyr o'r meysydd pwnc yn y 1960au a'r 1970au, myfyrwyr yn eu gwaith yn eu stiwdios a gwaith Sioe Radd Myfyrwyr 1998 - 2002 a gymerwyd gan Mal Bennett.
  • Casgliad o sleidiau o waith myfyrwyr a myfyrwyr sy'n gweithio mewn mannau stiwdio a gymerwyd yn 1995 gan y ffotograffydd Steve Benbow.
  • Casgliad o sleidiau bywgraffiadol a ddangosir yng ngwasanaeth coffa Mick Casson (1925 – 2003), cyn aelod o staff ar y cwrs Gradd Cerameg. Rhodd gan ei wraig Sheila Casson yn 2004.
  • Casgliad o sleidiau o waith gan staff addysgu, gan gynnwys Mike Crowther, Glyn Jones, Phil Nicol, Harvey Hood, Tom Piper a Mal Bennett; Sioe Staff/Myfyrwyr yng Nghanolfan Gelfyddydau Chapter yn 1972 ac arddangosfa gan 56 grŵp.
  • Sleidiau o arddangosfeydd a gynhaliwyd yn YGDC Gan gynnwys y canlynol:
    • Arddangosfa Symposiwm Cerameg Ryngwladol, Ysgol Gelf Caerdydd ym 1975
    • Sioe Cyngor Celfyddydau 1971 yn Oriel Howard Gardens
    • Crefft Cymru 1976 yn Oriel Howard Gardens (Cyngor Celfyddydau Cymru)
  • Sleidiau o Symposiwm a gynhaliwyd yn YGDC Gan gynnwys y canlynol:
    • Symposiwm Cerameg Rhyngwladol, a gynhaliwyd yn Ysgol Gelf Caerdydd ym 1975
    • Gweithredu / Syniadau Symposiwm c.1970
    • Symposiwm Coleg Celf Caerdydd 1972
  • Sleidiau Tom Hudson Hudson oedd cyfarwyddwr Astudiaethau Coleg Celf Caerdydd 1964 – 1977. Casgliad o sleidiau yn ymwneud ag addysg gelf a'r Cwrs Dylunio Sylfaenol a ddatblygodd yng Ngholeg Celf Caerdydd, gan gynnwys enghreifftiau o waith ei fyfyrwyr.
    • Symposiwm Lliw – Myfyrwyr yn cynnal arbrofion lliw perfformiadol ar strydoedd Caerdydd 1967/8
    • Perfformiad gwisgoedd c.1965

    Gellir dod o hyd i ragor o ddeunydd yn ymwneud â'r casgliad hwn yn y National Arts Education Archive (NAEA), Parc Cerfluniau Swydd Efrog, sy'n storfa o gasgliadau sy'n ymwneud â datblygu addysg gelfyddydol yn y DU o 1870 hyd heddiw.

  • Gweinyddu Llyfrgell Sleidiau - dogfennau a phapurau sy'n ymwneud â hanes a defnydd y casgliad.