Ymgysylltu

I fonitro sut mae myfyrwyr yn ymgysylltu â'ch rhestrau, cliciwch ar yr eicon Dadasoddeg (siart bar) a sydd i’w weld ar ochr dde’r rhestr.

Gallwch weld y metrigau canlynol sy'n gysylltiedig â'r rhestr:

• Myfyrwyr gweithredol - myfyrwyr unigryw a ddefnyddiodd y rhestr mewn unrhyw ffordd.
• Mynediad llawn i’r testun - nifer o weithiau mae myfyrwyr wedi agor dolenni i adnoddau electronig, gyda mwy nag un o gliciau gan yr un myfyriwr yn cael eu cyfrif bob tro.
• Nifer y benthyciadau - nifer o weithiau y cafodd eitem ei benthyg yn ystod dyddiadau'r cwrs, sy'n cyfrif pob benthyciad gan yr holl staff a myfyrwyr, nid myfyrwyr eich modiwl yn unig.

Mae metrigau tebyg ar gael ar lefel eitem, neu ddyfyniad.

Mae dadansoddeg yn cael eu diweddaru'n ddyddiol, felly gallwch ailymweld yn rheolaidd i weld ymgysylltiad myfyrwyr trwy gydol y tymor.

Gall myfyrwyr farcio eitemau y maent wedi gorffen eu darllen trwy glicio ar yr eicon tic wrth ymyl eitem. Bydd yr eitem yn cael ei chroesi allan, gan ei gwneud hi'n hawdd i fyfyrwyr olrhain eu cynnydd yn weledol.

Gall myfyrwyr hefyd ddefnyddio'r Hidlydd rhestr i chwilio am eitemau sydd wedi'u marcio fel rhai wedi'u gwneud neu fel rhai anghyflawn.

Gallwch weld nifer y myfyrwyr sydd wedi marcio pob eitem fel y'i gwnaed gan ddefnyddio'r eicon Dadansoddeg (siart bar), fel uchod.

Mae Leganto yn darparu llyfrgell dyfynnu personol, neu Ffefrynnau, i fyfyrwyr, yn ogystal â hyfforddwyr.

I storio eitemau o fewn Leganto, dylai myfyrwyr, wrth edrych ar ddyfyniad mewn rhestr ddarllen, hofran dros y dyfyniad, clicio ar ddewislen yr Eitem a dewis Cadw fel ffefryn.

Yna caiff yr eitem ei chopïo i'w Ffefrynnau ar y tab ar y chwith.

Gall myfyrwyr awgrymu eitemau ar gyfer rhestr ddarllen.

I ychwanegu awgrym, o'r Ffefrynnau myfyrwyr, fel uchod, dylai myfyrwyr glicio ar ddewislen yr Eitem a dewis Awgrymu eitem.

Yna anogir myfyrwyr i ddewis y rhestr ddarllen briodol, ychwanegu nodyn a chlicio Awgrymu.

Gallwch weld holl awgrymiadau myfyrwyr yn y panel Awgrymiadau ar y dde o'ch rhestr. Os ydych yn dymuno ychwanegu eitemau a awgrymir at restr ddarllen, efallai y byddwch yn gwneud hynny trwy eu llusgo i'r rhestr.

Gall myfyrwyr ymgysylltu â deunyddiau cwrs a chydweithio â nhw drwy anodi dogfennau PDF ar restrau darllen.

O'r dudalen Darllen ar ffurf PDF o ddyfyniad, fe welwch yr opsiwn i alluogi neu analluogi Anodiadau Cyhoeddus. Os byddwch yn gadael hyn wedi'i alluogi, gallwch chi a'ch myfyrwyr wneud nodiadau ar y PDF yn weladwy i chi yn unig, neu gallant roi sylwadau, trafod a chydweithio gyda holl gyfranogwyr y modiwl.

I ychwanegu sylwadau, tynnwch sylw at y rhan o'r testun rydych chi am ei anodi a chliciwch ar yr eicon Sylw. Mae sylwadau a ychwanegir at ddogfennau PDF fel hyn yn bodoli o fewn Leganto yn unig ac ni ellir eu hallforio.