Cyflwyno a chyfathrebu eich ddulliau beirniadol yn hyderus - dadansoddi tystiolaeth, gwerthuso a barn academaidd resymegol i aseswyr trwy ddatblygu eich geirfa o gritigolrwydd academaidd
Yng nghyd-destun astudiio yn y brifysgol ac ymchwil academaidd ehangach, mae critigolrwydd yn golygu cymhwyso set sgiliau deallusol amlochrog a ddefnyddir fel rhan o ymagwedd at ddysgu sy’n mynd y tu hwnt i addysgu goddefol syml a chofio gwybodaeth sylfaenol yn beirianyddol. Mae'n ymwneud ag archwiliad dadansoddol a gwerthusol systematig o dystiolaeth, damcaniaethau, cysyniadau a dadleuon. Bydd ymagwedd feirniadol tuag at ddysgu yn golygu bod dysgwr neu ymchwilydd yn prosesu profiadau, gwybodaeth neu dystiolaeth sylfaenol er mwyn gwneud synnwyr a llunio esboniad ohono eu hunain er mwyn datblygu dull dyfnach a mwy ystyrlon o ddysgu. Fel y cyfryw, anogir myfyrwyr prifysgol i gwestiynu rhagdybiaethau, archwilio safbwyntiau amrywiol, ac ymgysylltu â materion cymhleth, gan feithrin dealltwriaeth ddyfnach o ddeunydd pwnc yn ogystal â datblygu sgiliau gwybyddol beirniadol.
Un o nodau allweddol dulliau a gweithgareddau cyffredin a ddefnyddir mewn addysgu a dysgu yn y brifysgol yw meithrin sgiliau meddwl beirniadol. Mae meddwl yn feirniadol yn cael ei feithrin trwy ddulliau gwahanol, gan gynnwys trafodaethau dosbarth, dadleuon, prosiectau ymchwil, ac ymarferion datrys problemau. Mae'n annog myfyrwyr i wynebu amwysedd, ystyried dehongliadau amgen, a mynd i'r afael â chymhlethdodau'r byd go iawn. Yn ogystal, mae gan feddwl beirniadol gysylltiad agos â sgiliau cyfathrebu, gan fod yn rhaid i fyfyrwyr fynegi eu syniadau'n berswadiol a chymryd rhan mewn trafodaeth adeiladol. Yn y pen draw, mae meithrin meddwl beirniadol ar lefel prifysgol yn arfogi myfyrwyr â sgiliau sy'n ymestyn y tu hwnt i'r byd academaidd, gan eu galluogi i lywio byd sy’n gynyddol gymhleth a ac yn llawn gwybodaeth. Mae'n grymuso unigolion i fynd i'r afael â heriau gyda thrylwyredd deallusol, gwneud penderfyniadau gwybodus, a chyfrannu'n ystyrlon at drafodaethau ar amrywiaeth eang o bynciau.
Mae bod yn feirniadol yn nodwedd sy’n diffinio ymchwil academaidd o wybodaeth yn ogystal â'r trylwyredd methodolegol sy'n cadarnhau ei ddilysrwydd ymhlith cymunedau ymchwil academaidd a’r byd ehangach. Mae dull beirniadol yn llywio'r gwaith o ddylunio a gweithredu dulliau ymchwil trwyadl ar gyfer casglu tystiolaeth graidd, gan sicrhau ei fod yn wrthrychol, yn ddibynadwy a bod ymchwilwyr eraill yn gallu ailadrodd y dull. Mae critigolrwydd yn sail i brosesau
Mae critigolrwydd (a defnyddio sgiliau meddwl cydrannol fel dull o fod yn feirniadol) wrth wraidd dau arfer academaidd sylfaenol: yn gyntaf, y gallu i ddadadeiladu’r dadleuon a’r dystiolaeth a gyflwynir gan eraill ac yn ail, y gallu i lunio ein dulliau cydlynol a rhesymegol ein hunain. dadleuon sy’n defnyddio tystiolaeth yn briodol ac yn effeithiol i gefnogi ein safbwyntiau a’n casgliadau ein hunain:
Dadansoddi dadleuon - Mae'r ffurflen hon yn cynnig awgrymiadau ar gyfer dadansoddi dadleuon academaidd, defnyddiwch y ffurflen i ddyrannu, disgrifio ac asesu effeithiolrwydd cynigion academaidd a wneir gan eraill neu ei gymhwyso i'ch ysgrifennu academaidd eich hun fel ffordd o hunanasesu eich gwaith wrth i chi ddrafftio eich aseiniad.
Gwerthuso dadlleuon - Defnyddiwch y ffurflen hon i werthuso dadl ar ôl i chi ei dadansoddi. Er y bydd dull dadansoddol yn eich galluogi i nodi dadlau’r awdur, bydd dull gwerthusol yn eich galluogi i werthuso'n feirniadol ac asesu eglurder y ddadl gyffredinol ei hun ac yn bwysicach fyth, sut mae’r awdur yn ei gyflwyno. Mae gwerthuso yn sgil allweddol sydd ei angen ar gyfer llunio ac arddangos eich meddwl rhesymegol eich hun am bwnc academaidd.
Cynlluniwr dadleuon - Defnyddiwch y ffurflen hon i lunio, dadansoddi a gwerthuso eich dadl eich hun. Defnyddiwch yr awgrymiadau i ddatblygu eich syniadau eich hun yn effeithiol, gan gefnogi dadleuon a choladu eich tystiolaeth. Gall eich crynodebau, eich dadansoddiadau a'ch meddyliau am eich dadl gael eu copïo, eu gludo a'u golygu yn eich aseiniad neu draethawd ymchwil yn ddiweddarach.
Cwestiynu Socrataidd - Mae'r canllaw defnyddiol hwn yn cynnwys ystod o gwestiynau Socrataidd i'ch helpu i ddatblygu eich gallu beirniadol i archwilio safbwyntiau academaidd eraill. Yn yr un modd â'r taflenni gwaith uchod, gellir ei ddefnyddio yn yr un modd fel ffordd o archwilio'ch dadleuon academaidd eich hun ac ysgrifennu fel ffordd effeithiol o hunan-asesu!
Ymwadiad byr: mae’r adnoddau ar y dudalen hon wedi cael eu creu gan sefydliadau ac unigolion y tu allan i Met Caerdydd ac nid yw’r wybodaeth a chyngor penodol a roddir, yn enwedig o ran polisïau, gwasanaethau, darpariaeth ac arferion prifysgolion eraill yn cyfeirio at rai Met Caerdydd. Rydym yn argymell eich bod yn ymweld â Llawlyfr Academaidd Prifysgol Metropolitan Caerdydd i ddarllen y polisïau, prosesau a gweithdrefnau perthnasol sy'n berthnasol i fyfyrwyr Met Caerdydd pe bai angen.
Critical thinking | University of Leeds - Adran ddefnyddiol sy'n cynnig model ar gyfer meddwl beirniadol tra hefyd yn trafod rôl bwysig darllen ac ysgrifennu'n feirniadol yn ogystal â gwerthuso gwybodaeth.
Critical thinking | University of Sussex - Ymhlith y trosolygon fideo defnyddiol, mae'r wefan hon yn diffinio meddwl beirniadol mewn perthynas ag ysgrifennu disgrifiadol, yn cynnig cwis anffurfiol yn seiliedig ar enghreifftiau o wahanol fathau o ysgrifennu ac yn darparu model ar gyfer gwerthuso ffynonellau gwe.
