Mae’r casgliadau arbennig yn ymwneud â meysydd astudio amrywiol o fewn Ysgol Gelf a Dylunio Caerdydd, Ysgol Addysg Caerdydd ac Ysgol Gwyddorau Iechyd Caerdydd a byddant hefyd yn dal diddordeb y brifysgol a’r gymuned ehangach. Cânt eu cadw ar wahân i'r prif gasgliadau o lyfrau a chyfnodolion.
Casgliad Llyfrau Artistiaid
Casgliad cynyddol o dros 600 o lyfrau artistiaid yn dyddio o’r 1960au. Mae rhai yn ddarnau untro tra bod eraill yn argraffiadau cyfyngedig a grëwyd gan yr artistiaid, i gyd yn weithiau celf ynddynt eu hunain. Mae'r Casgliad yn dangos ehangder a dyfnder y genre llyfr artist ac mae peth deunydd o arwyddocâd cenedlaethol a rhyngwladol. Mae ein polisi casgliadau yn sicrhau ei fod yn gwasanaethu anghenion dysgu, addysgu ac ymchwil Ysgol Gelf a Dylunio Caerdydd.
Gellir defnyddio ChwilioMet i weld teitlau'r casgliad. Mae’r casgliad o ddiddordeb cyffredinol i lawer, ac yn adnodd ysbrydoledig i bobl greadigol.
Mae croeso i holl aelodau’r llyfrgell (staff, myfyrwyr, benthycwyr allanol) fynychu sesiynau galw heibio yn ystod y tymor i weld a thrafod llyfrau gyda chynorthwyydd y llyfrgell:
Y tu allan i'r amseroedd hyn, i gyrchu llyfrau penodol neu, i staff academaidd, sydd am drefnu cymorth sesiwn addysgu llyfrau artistiaid yn y gofod, e-bostiwch Casgliadau Arbennig gyda'ch ymholiad neu gais: SpecialCollections@cardiffmet.ac.uk
Casgliad Cerameg
Mae'r Casgliad yn cynnwys catalogau arddangosfeydd cenedlaethol a rhyngwladol, papurau cynhadledd ac ymchwil, cyfweliadau â ceramegwyr, deunyddiau hyrwyddo, pamffledi, prosbectysau, monograffau a chyhoeddiadau ymchwil blaenllaw ym maes cerameg. Yn cael ei gadw yn y Casgliad Cerameg, o arwyddocâd arbennig mae The Rackham Collection - casgliad o dros 70 o lyfrau a ysgrifennwyd neu a olygwyd gan Bernard Rackham (Ceidwad yr Adran Cerameg yn Amgueddfa Victoria ac Albert 1914-1938), ynghyd â llyfrau o'i gasgliad personol ac effemera cysylltiedig fel llythyrau a llyfrau nodiadau, a roddwyd i'r brifysgol gan deulu Rackham.
Casgliad Sleidiau
Mae'r casgliad sleidiau yn cynrychioli hanes Ysgol Celf a Dylunio Caerdydd trwy ymgorffori sleidiau o arddangosfeydd CSAD yn y gorffennol, gwaith staff a myfyrwyr, yn ogystal ag artistiaid a phenseiri amlwg o Gymru. Prynwyd y sleidiau neu fe'u gwnaed i archebu er mwyn i ddarlithwyr a myfyrwyr eu defnyddio mewn darlithoedd a seminarau o'r 1970au tan 2010. Nid oes unrhyw sleidiau newydd yn cael eu gwneud bellach.
Mae gan y Casgliad Ymarfer Clinigol yn Llandaf ystod o eitemau sy'n ymwneud â gwyddorau iechyd cymhwysol. Ymhlith yr eitemau mae llawlyfrau therapi, pecynnau adnoddau llais a chyfathrebu a datblygu lleferydd yn benodol ar gyfer Therapi Lleferydd ac Iaith.
Mae gennym ystafell Casgliad Cymreig yng Nghyncoed ble mae llyfrau Cymraeg i’w cael. Mae'r casgliad yn cynnwys deunyddiau sy'n gysylltiedig â Chymru yn gyffredinol, ond hefyd deunyddiau sy'n gysylltiedig ag addysgu yng Nghymru.
Mae'r Casgliad Profiad Ysgol yn cynnwys llyfrau, adnoddau a CDs i blant rhwng 3-16 oed. Mae ar gyfer myfyrwyr sy'n astudio ar gyrsiau addysg gychwynnol i athrawon yn bennaf ond mae'n agored i holl staff a myfyrwyr Met Caerdydd.
Mae gwybodaeth am ein cadwrfa ymchwi - figshare - ar gael ar ein tudalen bwrpasol.