Leganto ar gyfer Staff: Rhagymadrodd

Leganto yw system reoli rhestrau darllen Met Caerdydd. Mae’n ddull effeithlon a hawdd o lunio a chyhoeddi rhestrau darllen ar gyfer carfannau o fyfyrwyr. Mae’r system wedi’i hintegreiddio’n llawn â MetSearch a Moodle, ac mae’n rhoi mynediad hwylus i fyfyrwyr at holl ddeunyddiau cyrsiau trwy un rhyngwyneb.

Bydd modd defnyddio Leganto i greu rhestr ddarllen sy’n cynnwys deunyddiau amrywiol: llyfrau ac e-lyfrau, penodau o lyfrau ar-lein neu sydd wedi’u digideiddio, erthyglau ysgolheigaidd, fideos, delweddau, podlediadau a llawer mwy, gan greu rhestr ddarllen hyblyg, amrywiol a rhyngweithiol.

• Mae’n hawdd defnyddio’r system
• Mae modd cynnwys adnoddau mewn fformatau gwahanol; gan gynnwys erthyglau cyfnodolion, llyfrau ffisegol, penodau o e-lyfrau a hyd yn oed deunyddiau amlgyfrwng
• Mae’r system wedi’i hintegreiddio’n llawn â system reoli’r llyfrgell fel bod modd cynnwys dolenni uniongyrchol i ddeunyddiau ar ChwilioMet
• Mae’n ei gwneud yn haws diweddaru rhestrau darllen a sicrhau bod yr argraffiadau diweddaraf yn cael eu rhestru
• Mae gwasanaeth dadansoddeg ac adroddiadau ar gael i ddysgu am y defnydd o adnoddau ac addasu cynnwys cyrsiau yn unol â hynny
• Mae modd darparu cynnwys digidol mewn ffordd sy’n bodloni gofynion cyfreithiol yr Asiantaeth Trwyddedu Hawlfraint

• Mynediad hwylus at holl ddeunydd darllen a deunyddiau eraill cyrsiau mewn un lle
• Mae modd defnyddio’r system yn uniongyrchol trwy Moodle
• Mae’n cynnwys dolenni uniongyrchol i MetSearch, gan ddarparu mynediad hwylus at adnoddau ar-lein yn uniongyrchol o’r rhestr
• Mae’n darparu gwybodaeth am faint o gopïau caled sydd gennym a ble i ddod o hyd iddyn nhw yn y llyfrgell
• Mwy o gyfleoedd i fyfyrwyr gyfrannu’n weithredol at eu rhestrau darllen – gall myfyrwyr awgrymu adnoddau i’w hychwanegu yn ogystal â hoffi adnoddau, rhoi sylwadau ar restrau a chreu eu rhestrau eu hunain

Rydym yn cynnal cyfres o weithdai hyfforddi ar Teams yn ystod misoedd yr haf i’ch helpu i fynd i’r afael â Leganto a dysgu sut i grynhoi a golygu rhestrau darllen.

COFRESTRWCH YMA: METHUB

Am unrhyw gymorth pellach ar sut i ddefnyddio Leganto cysylltwch â:

• Marie Lancaster
• Jane Brown
• Sarah Nicholas